Teaching Practice First Phase Weekly Report (Seventh Week)

8/9/2025 to 12/9/3025

     ടീച്ചിംഗ് പ്രാക്ടിസിന്റെ ഏഴാംമത്തെ ആഴ്ച 8/9/2025 തിങ്കൾ മുതൽ 12/9/2025 വെള്ളി വരെ ആയിരുന്നു. ഓണ അവധിക്ക് ശേഷം ഉള്ള ആദ്യത്തെ ആഴ്ച ആണ് ഈ കടന്ന് പോയത്. നല്ല അനുഭവങ്ങൾ സമ്മാനിച്ച ഒരു ആഴ്ച കൂടെ ആയിരുന്നു ഇത്. 11/9/2025 ചൊവ്വ ആറന്മുള ഉതൃട്ടാതി വള്ളം കളിയോട് അനുബന്ധിച്ചു പത്തനംതിട്ട ജില്ലക്ക് പൊതു അവധി ആയിരുന്നു. കൃത്യമായിക്ലാസ്സുകളിൽ കയറാനും, പഠിപ്പിക്കുവാനും സാധിച്ചു.ഈ ആഴ്ചകളിൽ ഓണ പരീക്ഷകളുടെ മാർക്ക്‌ വിതരണവും, പി. റ്റി. എ മീറ്റിങ്ങും സ്കൂളിൽ കൃത്യമായി നടന്നു. 10/9/2025 ബുധനാഴ്ച്ച സ്കൂളിൽ 3.00 മണിക്ക് ശേഷം N. C. C ഉണ്ടായിരുന്നു. മലയാളം അധ്യാപികയായ ബിത ടീച്ചർ ആണ് N. C. C യുടെ ചുമതല വഹിക്കുന്നത്. ഈ ആഴ്ച സ്കൂളിൽ പ്രഭാത ഭക്ഷണ വിതരണം ഉണ്ടായിരുന്നില്ല. 11/9/2025 പാല് വിതരണം ഉണ്ടായിരുന്നു. 12/9/2025 വെള്ളിയാഴ്ച സ്കൂളിൽ 'Little Kite 'ന്റെ  വൺ ഡേ ക്യാമ്പ് ഉണ്ടായിരുന്നു. ക്യാമ്പ് നടത്തപെട്ടത് താര ടീച്ചറിന്റെ നേതൃത്വത്തിലാണ്. 12/9/2025 വെള്ളി ഉച്ചക്ക് ശേഷം സ്കൂളിൽ പി. റ്റി. എ മീറ്റിംഗ് ഉണ്ടായിരുന്നു. മിക്കവാറും എല്ലാ കുട്ടികളുടെയും മാതാപിതാക്കൾ എത്തിയിരുന്നു. മലയാളം അദ്ധ്യാപിക എന്ന നിലയിൽ എന്നോടും കുട്ടികളെ കുറിച്ചുള്ള  അഭിപ്രായം മാതാപിതാക്കൾ തിരക്കി. അത് എന്നിൽ വലിയ സന്തോഷം ഉളവാക്കി. ഒൻപതാം ക്ലാസിൽ 'വംശം ' എന്ന കവിത പഠിപ്പിച്ചു തീർക്കുവാൻ സാധിച്ചു.'ദ്വിത്വസന്ധി' എന്ന ആശയം ആശയ സമ്പാദന മാതൃകയിലൂടെ വ്യക്തമായി കുട്ടികളിൽ എത്തിക്കുവാൻ സാധിച്ചു. ഉച്ചഭക്ഷണ വിതരണം തുടങ്ങിയ എല്ലാ പ്രവർത്തനങ്ങളിലും പങ്കെടുക്കുന്നു ഉണ്ട്.

 ഒരുപാട് നല്ല അനുഭവങ്ങൾ സമ്മാനിച്ച ഒരു ആഴ്ച ആയിരുന്നു ഇത്. ഇനിയും നല്ല ദിനങ്ങൾ പ്രതീക്ഷിക്കുന്നു.